مؤشر القوة النسبية ال rsi
اولا فائدته ايه
المؤشر ده له عدة فوائد اولا فعال فى المناطق العرضية على غير اغلب المؤشرات
تقدر تعرف بيه انعكاس السعر يعنى مثلا السعر صاعد صاعد تقدر تتوقع بيه امتى هينعكس هبوط والعكس كذلك
تقدر تاخد بيه اشارات بيع واشارات شراء لكن الاستاذ شريف لا ينصح بها طبقا لما درسناه فى الدورة وايضا طبقا لتجاربه الشخصية

لكن كشرح لفكرته انا هوضح ازاى صاحب المؤشر صممه وفكر فى طرق التداول عليه
وليست نصيحة بالبيع والشراء من خلال المؤشر

اولا فكرة المؤشر وطريقة حسابه
ببساطة هو بيعتمد على معادلة رياضية بيحسب فيها متوسط اغلاقات عدد ايام فائزة يعنى ربحانة وبيقسمها على متوسط اغلاقات عدد ايام هابطة يعنى المتوسط السعرى للمعادلة دى
وبيطلع بيه معامل القوة النسبية وبيدخله فى معادلة تانية المهم بعيدا عن التافصيل دى اللى مش هتفيدك
المؤشر بمعادلاته الحلوة بيوصل لنتيجة ما ايه هى
اولا بيحدد 3 خطوط خط المنتصف وخط ال 30 وخد ال 70
لما السعر بيوصل لخط ال 30 وينزل تحته فده معناه ان حالة البيع كبيرة جدا وبيطلق عليه تشبع بيعى
ولما بيوصل السعر الى 70 ويتخطاها بيطلق عليه تشبع شرائى يعنى بنبدأ نستشعر ان خلاص الناس اشترت لما شبعت
هنا تقدر تاخد اشارات بيع او شراء لكن طبعا انا لا انصح بيها لكن خدها مع تحليلك فمثلا لو السعر حسيته بيصعد ومدى اشارات صعود وهو فعليا كمان واصل لمنطقة تشبع بيعى يبقى ده يقوى صفقتك
تانى نقطة وهى الاهم فى المؤشر الا وهى التحولات يعنى ايه
كلمة دايفرجنز بنسمعها كتير جدا
الكلمة دى تعنى تغير فى الزخم
بتتعرف ازاى
المؤشر بيرسم رسم بيانى تحت شبيه برسم السعر اللى فى الاعلى وبنلاقيه ماشى زي السعر فوق وبيجى وقت بيحصل اختلاف هنا بنبدأ نعرف ان الاتجاه بيتغير ليه
لان الزخم بيقل فمثلا السعر بيكون صاعد صاعد ويعمل قمة وفى المؤشر بيكون السعر ايضا صاعد جدا زيه وبيعمل قمة تحت
وبعدها السعر يصحح والمؤشر يصحح معاه ويجى السعر يعمل قمة اعلى لكن المؤشر يعمل قمة اقل
ده معناه ان زخم الصعود بقى اضعف واقل ومن هنا نبدأ نتوقع ان السعر هينعكس
ودى اهم فائدة للمؤشر الا وهى معرفة التحولات السعرية وتوقعها بس طبعا بالاضافة لتأكيدات من مدارس تحليلية اخرى